|
| |
| Os folkebibliotek |
|
Skuleelev
Tips om særemne
i Stavanger bibliotek
Tips om
særemne
i Deichmanske bibliotek
|
| Oppgåveskriving |
Brått
treng du grundig kunnskap om eit eller anna emne - til ei oppgåve,
ein stil eller noko anna. Det som er skrive om emnet kan skaffast
på biblioteket - men korleis finn du fram til det?
|
| Kom
i god tid! |
Det
tar tid å finna den rette litteraturen. Den litteraturen du skal
nytta kan vera utlånt. Ein del materiale skal kanskje skaffast
frå andre bibliotek. Ventetida kan vera frå ei veke til fleire
månader. Fortell bibliotekpersonalet når materialet skal brukast.
Jo tidlegare du bestiller, jo større er sjansen for at vi finn
spanande stoff - og at du får det i tide!
|
| Val
av emne og oppgåve |
Jo
meir veldefinert og klart avgrensa emnet for oppgåva er, jo betre
hjelp kan biblioteket gi. Før du vel oppgåve, undersøk om det
finst nok relevant litteratur om emnet! Du kan bruka leksika,
handbøker eller lærebøker for å få eit oversyn over emnet.
Bibliotekpersonalet kan hjelpa til med å vurdera om litteraturen
er relevant for ditt emne.
|
| Val
av bibliotek |
Dersom
du går på skule, bruk først skulebiblioteket. Ta deretter
kontakt med folkebiblioteket. Biblioteka samarbeider. Den
litteraturen og informasjonen som ikkje finst på det lokale
biblioteket, kan som oftast skaffast frå andre bibliotek.
|
| Val
av litteratur |
Ikkje
alle bøker og tidsskrift kan lånast med heim, men må kanskje
brukast på biblioteket. Ver budd på å leita sjølv, men be om
hjelp dersom du treng det. Tenk på at litteratur om aktuelle emne
som er mykje omtalte i media, ofte er utlånt. Mange emne er
heller ikkje omtalte skriftleg på norsk. Når mange skriv om det
samme emnet, må ein dela på litteraturen.
|
| Bøker
eller artiklar? |
Mange
emne er grundig skrivne om i bøker, men fleire - særleg aktuelle
emne - er berre omtalte i aviser og tidsskrift. Når du bestiller
litteratur, så merk deg dei kjelde- og litteraturhenvisningane
som du kan finna i bøker, artiklar og leksika. Dei vil kunna vera
eit godt utgangspunkt for vidare litteratursøking om emnet.
Notér alle opplysningar - forfattar, tittel, utgjevarår, evt.
sidetal, tidsskrift, årgang m.m.
|
| Dette
finn du på biblioteket: |
Bøker,
oppslagsverk, allmenne tidsskrift, aviser, lover, statistikk,
lydbøker, videofilmar, offentleg informasjon, elektronisk
informasjon - og mykje meir.
|
|
|
| |
OS KOMMUNE
Innbyggjartal: 16.684
Os
inspirerer!
|