|
| |
| Os folkebibliotek |
|
Lånereglar
|
| Lånereglar |
Det er gratis å låna. Alle lånarar må ha lånekort. Lånekorta
kan skrivast ut til alle - frå skulealder.
|
| Lånetid |
Utlånstida for bøker, lydbøker, teikneseriar, tidsskrift og
musikk er 4 veker, mens lånetida
for filmar er 1 veke.
|
| Fornying
av lån |
Alt du lånar, med
unntak av filmar, kan fornyast inntil to gonger dersom det ikkje er andre
som ventar på det. Har du hatt lånet i tre månader, får du
ikkje fornya fleire gonger. Videolån kan ikkje fornyast. Fornyingane
kan du ordna sjølv, i
Meg
& Mitt (dersom biblioteket har e-postadressa di).
|
| Forlenga
lånetid |
Dersom du skal vera vekkreist i lang tid - til dømes på ferie
eller på arbeid i Nordsjøen - kan du be om å få utvida
lånetida med ein gong. Vi tek visse atterhald når det gjeld
heilt nye bøker som mange er interesserte i å lesa.
|
Bøker og anna materiale som vi har ventelister på, kan du ikkje
låna lenger enn 4 veker.
Dersom du ikkje vert ferdig med lånet i løpet av denne tida, må
du levera inn og føra deg på venteliste ein gong til.
|
| Kva
skjer om du gløymer å levera? |
Dersom det du har lånt ikkje vert levert i tide, sender vi ei
påminning om at lånetida er forfalt (ei purring).
Det er eit gebyr å betala for kvar purring vi må senda ut (kr
25,- for vaksne, kr 10,- for barn). Dersom
bøker/ filmar/ CD'ar/ teikneseriar/ tidsskrift ikkje vert leverte
tilbake til biblioteket, må dei
erstattast. Etter tredje purring vert det sendt ut erstatningskrav.
|
| Øydelagt
eller tapt materiale |
Dersom du mistar eller øydelegg det du har lånt, må du erstatta
materialet. Du må betala det det kostar for biblioteket å kjøpa inn nytt.
Ein del bibliotekmateriale (til dømes filmar, kassettband og
pocketbøker) er det stor slitasje på. Øydeleggjingar som
skuldast allminneleg slitasje, slepp du å betala for.
|
|
| |
OS KOMMUNE
Innbyggjartal: 16.684
Os
inspirerer!
|